Програмата за малите гости ја подготвија Верче Искова, библиотекарка од ООУ „Блаже Конески“, и Еленче Ташкоска од библиотеката „Борка Талески“. Посетата беше дел од проектот „Љубовта кон книгата се раѓа во библиотеката“, што го организира прилепската библиотека.
Целта на проектот е децата од најрана возраст да развиваат интерес за книгите и читањето, а библиотеката да ја запознаат како место за учење, дружење и откривање нови светови. Библиотеката ја продолжува работата и на поттикнување на творечкиот потенцијал кај најмладите.
Децата дојдоа со своите воспитувачки и со Билјана Тодеска, директорка на ЈОУ Детски градинки „Наша иднина“ – Прилеп. Ги пречека директорката на библиотеката, Андриана Ристеска, која укажа на значењето на книгите и читателските навики во формирањето на личноста. Според неа, љубовта кон пишаниот збор се развива од најмали нозе, а библиотеката е вистинското место за тоа.







Коментари (0)
Коментарите за оваа објава се затворени.