Најважно
391 вести · 24 ч.
Берово 1°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Жени во Куманово и Градско предложија бесплатни обуки за полесно вработување

Фотографија објавена на јавниот профил на ЛАГ Агро Лидер
Фотографија објавена на јавниот профил на ЛАГ Агро Лидер

Бесплатни обуки, полесен пристап до информации за работни места и поголема поддршка за самовработување предложија учесничките на две средби за економско јакнење на жените во Куманово и Градско. Предлозите ќе бидат доставени до надлежните институции како иницијативи за поинклузивни и поодржливи локални заедници.

На средбите учествуваа жени од различни возрасни групи и рурални заедници, заедно со претставници на општините и образовниот сектор. Покрај можностите за поголемо учество на пазарот на труд, разговараа и за вклучувањето на жените во носењето одлуки на локално ниво.

Преку интерактивни дискусии и групна работа, учесничките ги идентификуваа локалните предизвици и потврдија голем дел од бариерите претходно утврдени во Пелагонискиот регион.

Во областа на вработувањето, предложена беше подобра поврзаност меѓу училиштата, центрите за вработување и работодавачите. За жените што сакаат да се самовработат или да ги развиваат своите бизниси, учесничките предложија поголема финансиска и менторска поддршка.

Дел од предлозите се однесуваа на подобра инфраструктура, пристап до превоз и поголема достапност на услугите во руралните средини. Учесничките предложија и подобра социјална и правна поддршка за жените, лицата со попреченост и постарите лица, како и унапредување на законските решенија за пензиските, имотните и социјалните права.

Консалтинг за стратешки развој оцени дека локалните предизвици бараат заеднички, практични и одржливи решенија. Организацијата најави дека предлозите и препораките ќе ги достави до соодветните институции во соработка со ЛАГ Агро Лидер и Хуманитарното здружение Мајка – Куманово.

Средбите се дел од проектот „EWI“ – „Економско вклучување и правда за жените од Западен Балкан“, поддржан преку „International Partnerships Austria“. Проектот го спроведува „CARE International Balkans“ во партнерство со четири организации од Западен Балкан, меѓу кои и Консалтинг за стратешки развој.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.