346 вести · 24 ч.
Битола 15°
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Нови 45,2 милиони денари во Развојната банка за инвестиции на домашните компании

Фотографија од настанот · Министерство за финансии
Фотографија од настанот · Министерство за финансии
  • Трансферот е дел од владината мерка за финансирање на приватниот сектор со каматна стапка од 1,95%.
  • Средствата се пласираат до компаниите преку Развојната банка и деловните банки.
  • Вкупната досега реализирана поддршка преку мерката изнесува 14,9 милијарди денари, односно 242 милиони евра.

Од Централниот буџет се префрлени нови 45,2 милиони денари кон Развојната банка за поддршка на инвестиции што ги реализираат домашните компании. Трансферот е дел од владината мерка за финансирање на приватниот сектор со каматна стапка од 1,95%.

Средствата се пласираат до компаниите преку Развојната банка и деловните банки. Рокот на отплата е до 15 години, со грејс-период до три години.

Вкупната досега реализирана поддршка преку мерката изнесува 14,9 милијарди денари, односно 242 милиони евра. Во Буџетот за неа се предвидени вкупно 250 милиони евра, а Министерството за финансии ја реализираше првата транша во март минатата година.

Владата ги обезбеди средствата од унгарската Експорт-импорт банка, со цел да поттикне инвестициски циклус во приватниот сектор и економски раст. Министерството за финансии оценува дека досегашната поддршка има значајно влијание врз реализацијата на приватните инвестиции и економската активност.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.