Градоначалникот наведе дека Општината наследила над 11 милиони евра обврски и остварила поврат на ДДВ од околу 600.000 евра. Според отчетот, трошоците за репрезентација на градоначалникот, кои претходно изнесувале околу 3.000 евра месечно, биле намалени на нула. Било продадено и службеното возило „Ауди“, а бројот на службени телефонски линии бил намален од 95 на 55.
Во отчетот е наведен значителен напредок во проектот за Источниот колектор. Како проекти што се движат кон завршување се посочени замената на азбестните цевки, Булевар Туристичка, патниот правец АС Камп–Сатеска, канализацијата во Враништа, пречистителниот колектор во Радожда и чистењето на одводните канали.
За урбанизмот и легализацијата, градоначалникот наведе дека над 2.000 барања со години чекале да бидат разгледани. Според отчетот, во текот на оваа година биле завршени околу 150 предмети за легализација, а обработени над 300 барања за одобренија за градење.







Коментари (0)
Коментарите за оваа објава се затворени.