Станува збор за еден од најниските делови на населбата, каде што конфигурацијата на теренот досега не овозможувала поврзување на домаќинствата со канализацискиот систем. Во проектот веќе е изградена примарна канализациска мрежа и се поставени приклучоци за домаќинствата. Нивното поврзување со постојниот колектор ќе се овозможи со уред за препумпување на отпадните води.
Градоначалникот на Општина Илинден, Александар Георгиевски, изврши увид во работите и ја посочи конфигурацијата на теренот како досегашна пречка за приклучување. Целта на зафатот е да се надмине долгогодишниот инфраструктурен проблем во овој дел од населбата и да се подобрат условите за живот.
Општината најавува натамошно проширување и модернизација на комуналната инфраструктура, со цел поквалитетни комунални услуги и подобра заштита на животната средина.







Коментари (0)
Коментарите за оваа објава се затворени.