Според ЈСП, при проверките биле утврдени погрешни адреси на е-пошта, обиди за инсталирање на истиот пас на два уреда и паралелно користење дигитален пас и електронска картичка. Претпријатието објаснува дека обидот истиот пас да се инсталира на два уреда доведува до негово блокирање, а блокирањето на досегашните картички служи и за спречување двојно користење и можни злоупотреби.
За студентските пасови, ЈСП постапува исклучиво врз основа на официјални и проверени списоци што ги доставуваат овластени лица од УКИМ, Универзитетот „Мајка Тереза“ и останатите универзитети, односно факултети. Потврдувањето на студентскиот статус и точноста на доставените податоци се во надлежност на универзитетите и факултетите.
ЈСП смета дека бројот на пријави сам по себе не ја докажува ниту причината ниту одговорноста за потешкотиите и дека заклучоците мора да се засноваат на проверени факти. Претпријатието очекува „Студентарија“ целосно да ги пренесе доставените појаснувања и вели дека останува достапно за разрешување на проблемите во соработка со факултетите.







Коментари (0)
Коментарите за оваа објава се затворени.