Програмата опфаќа мал фудбал, кошарка, ракомет и одбојка за девојчиња. Екипите ќе играат по куп-систем, а целта е да се изберат најдобрите училишни состави што понатаму ќе ја претставуваат општината.
Натпреварите ги организира Сојузот на училишен спорт на Кисела Вода. Ќе се играат во спортските сали „Независна Македонија“ и „Архиепископ Доситеј“, како и во спортските капацитети на ООУ „Круме Кепески“.
Покрај изборот на екипи, натпреварите имаат цел да ја поттикнат физичката активност кај младите. Градоначалничката Бети Стаменкоска Трајкоска оцени дека училишниот спорт е основа за правилен физички развој и помага во стекнувањето дисциплина, тимска работа и здрави навики. Таа ја потврди посветеноста на општината на поддршката на вакви настани и на унапредувањето на условите за спорт во сите училишта.







Коментари (0)
Коментарите за оваа објава се затворени.