Клековски им порача дека од нив очекува стабилно и предвидливо работење на клиниките, воведување нови методи и постапки, скратување на листите на чекање и зголемување на довербата на пациентите.
Новиот директор на Гастроентерохепатологија, вонреден професор д-р Владимир Андреевски, е специјалист интернист и супспецијалист гастроентерохепатолог. Тој е раководител на одделот за ендоскопија при Клиниката и генерален секретар на Македонското здружение за гастроентерохепатологија. Автор е на над 120 рецензирани труда во домашни и меѓународни списанија, со експертиза во интервентната ендоскопија и ЕРЦП.
На чело на Дигестивна хирургија е именуван асистент д-р Панче Караѓозов, специјалист по дигестивна хирургија. Стручно се усовршувал за лапароскопска хирургија во Виена и Истанбул и активно учествувал на меѓународни конгреси од областа на колопроктологијата и хепатобилијарната хирургија.
Асистент д-р Благоја Србов, новиот директор на Пластична и реконструктивна хирургија, е специјалист во оваа област и асистент на Катедрата по хирургија при Медицинскиот факултет во Скопје. Тој е и еден од основачите на Македонската асоцијација за реконструктивна микрохирургија.
Претходно денеска Клековски ги прими досегашните директорки, проф. д-р Мери Трајковска и прим. д-р Јасмина Ѓорѓиевска-Павловска, на кои им се заблагодари за соработката и за постигнувањата во водењето на клиниките. Благодарност упати и до досегашниот директор на Дигестивна хирургија, проф. д-р Огнен Костовски.
Костовски и Ѓорѓиевска-Павловска со своите тимови учествуваа во справувањето со последиците од трагедијата во Кочани, придонес што Министерството за здравство го опиша како работа на првата линија. Под раководство на Трајковска, на Клиниката за гастроентерохепатологија беа воведени четири нови методи на лекување.







Коментари (0)
Коментарите за оваа објава се затворени.