Македонија заврши на второто место во групата 5 со четири бода, зад Швајцарија, која освои максимални девет. Во претходните два натпревари македонската селекција загуби од Швајцарија со 0-1 и одигра 0-0 против Северна Ирска.
Против Малта, првото водство го донесе Филип Цветковски во 32. минута. Македонија ја задржа предноста до 76. минута, кога Зиас Њуел израмни.
Во 81. минута Јаков Стојковски повторно ја доведе Македонија во водство. Дензел Атард во 89. минута го постигна вториот израмнувачки гол за Малта, пред Талески да ја реши средбата во надополнувањето.
Селекторот Димитар Капинковски го почна натпреварот со голманот Павел Грбевски, Албан Рочи, Кристијан Марковски, Филип Цветковски, Анес Абдурахмани, Александар Грашевски, Габриел Талески, капитенот Иван Танчев, Јован Мрмачовски, Јордан Дамевски и Јаков Стојковски.
Лорент Жаку влезе на местото на Дамевски во 62. минута, а Антиан Емини го замени Танчев во 71. минута. Во 87. минута Матео Кесики влезе наместо Рочи, Љавдрим Касами наместо Грашевски и Мухамед Мустафи наместо Мрмачовски.







Коментари (0)
Коментарите за оваа објава се затворени.