Потребата од ваков центар ја посочиле и граѓани на Буџетскиот форум на Општина Битола. Од Левица порачуваат дека младите со попреченост не смеат да останат без образовни можности по завршувањето на основното образование, ниту нивните семејства сами да ја обезбедуваат потребната стручна поддршка.
Со амандманот се предлагаат 12 милиони денари за реконструкција, адаптација и опремување на центарот, а шест милиони денари за адаптиран превоз.
За ангажирање дефектолози, логопеди, психолози и други стручни лица се предвидуваат четири милиони денари. Уште три милиони денари се предложени за рехабилитациски, едукативни и психосоцијални услуги.
Левица ги повика пратениците да го поддржат и усвојат амандманот, оценувајќи дека тој одговара на реалните потреби на лицата со попреченост и нивните семејства за еднакви образовни можности, пристапност и институционална поддршка.







Коментари (0)
Коментарите за оваа објава се затворени.