За социјална заштита се предвидени околу 14,3 милијарди денари, а за здравствена заштита преку Фондот за здравствено осигурување се планирани 58,7 милијарди денари. Коњановски порача дека социјалните средства треба да стигнуваат навреме, според јасни критериуми и без непотребни административни пречки. Истата определба за редовно исполнување на обврските ја нагласи и за образованието.
Вкупните приходи во Предлог-буџетот изнесуваат 395,4 милијарди денари, а расходите 440,4 милијарди денари. Планираниот буџетски дефицит е 45 милијарди денари, односно 3,5 проценти од бруто-домашниот производ. Приходите се проектирани да растат побрзо од расходите, а според Коњановски, оваа рамка треба да овозможи редовно сервисирање на државните обврски, продолжување на инвестициите и постепено зајакнување на јавните финансии.
За капитални расходи се планирани околу 40,8 милијарди денари. Фокусот е на инфраструктурни проекти, вклучувајќи локални патишта, водоводи, канализациски системи и пречистителни станици, како и на модернизација на земјоделството. Коњановски побара средствата да се реализираат навремено, квалитетно и економски оправдано, со цел да се подобрат условите за живот на граѓаните.
Во земјоделството, вложувањата се насочени кон модернизација, системи за наводнување и подобри услови за производство. Според Коњановски, тие треба да им помогнат на домашните производители да ја зголемат продуктивноста и конкурентноста и посигурно да ги пласираат своите производи.







Коментари (0)
Коментарите за оваа објава се затворени.