Во услови на длабоки геополитички промени, според Муцунски, безбедноста на Западниот Балкан е неразделно поврзана со безбедноста и стабилноста на Европа. Тој порача дека регионот треба сѐ повеќе да се препознава по својот придонес кон колективната отпорност и европската безбедност.
За тоа, нагласи министерот, се потребни политичка одговорност и посилна регионална соработка, како и свест дека безбедноста на една држава не може да се одвои од безбедноста на нејзините соседи.
Муцунски како стратешка ориентација на Македонија ги наведе членството во НАТО, 100-процентната усогласеност со Заедничката надворешна и безбедносна политика на Европската Унија и цврстата определба за полноправно членство во ЕУ.
Конференцијата ја организираше „Aspen Institute Germany“ во соработка со Министерството за надворешни работи и надворешна трговија.







Коментари (0)
Коментарите за оваа објава се затворени.