348 вести · 24 ч.
Берово 8°
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Новинари во Скопје вежбаа како темите за интелектуална сопственост да станат јасни стории

Фотографија објавена на јавниот профил на Државен завод за индустриска сопственост
Фотографија објавена на јавниот профил на Државен завод за индустриска сопственост

Како да се препознаат и истражат теми за интелектуална сопственост и да се претворат во разбирливи новинарски стории беше во фокусот на практичните вежби на дводневната обука за новинари, одржана на 17 и 18 ноември во хотелот „Мериот“ во Скопје. Учесниците работеа со домашни и меѓународни експерти на јасно и одговорно пренесување на овие теми до јавноста.

Обуката беше дел од Деновите на медиумска едукација 2026, со цел новинарите да стекнат знаења и практични вештини за разбирање, истражување и професионално известување за интелектуалната сопственост. Програмата ги опфати правата од оваа област, институционалната и законската рамка во Македонија, како и европските практики и перспективи.

Во презентациите и дискусиите учествуваа претставници на Канцеларијата на Европската Унија за интелектуална сопственост („EUIPO“), Европската опсерваторија за повреди на правата од интелектуална сопственост, Данската канцеларија за патенти и трговски марки („DKPTO“) и Грчката организација за индустриска сопственост („OBI“). Од домашните експерти учествуваа проф. д-р Неда Здравева и д-р Валентин Пепељугоски.

Практичните вежби беа надополнети со интерактивни дискусии и размена на искуства. Државниот завод за индустриска сопственост оценува дека преку нив новинарите ги унапредиле знаењата и вештините за препознавање и обработка на темите, нивно претворање во релевантни стории и јасна, разбирлива и одговорна комуникација со публиката.

Настанот го отвори заменик-директорката на Заводот, Јелена Пеева, која ја нагласи улогата на медиумите во информирањето на јавноста за значењето на интелектуалната сопственост. Заводот и „EUIPO“ ја истакнаа важноста на континуираната соработка со новинарите како партнери во подигнувањето на јавната свест за заштитата на овие права.

Обуката ја организираа Државниот завод за индустриска сопственост и „EUIPO“ преку проектот „EU4IP-WB6“+„Moldova“, со кој Европската Унија ја поддржува заштитата на правата од интелектуална сопственост во земјите од Западен Балкан и во Република Молдавија.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.