Заштитата на транспортните, енергетските и комуникациските системи беше тема на петтата сесија, на која Исени беше говорник. Се дискутираше за кибернапади, тероризам, саботажи, дезинформации и други облици на хибридни закани. Исени ја оцени безбедноста на оваа инфраструктура како едно од клучните прашања за националната и регионалната стабилност, особено во услови на посложено безбедносно опкружување и растечки закани во сајбер-просторот.
Бидејќи современите хибридни закани не познаваат државни граници, според Исени, земјите од Западен Балкан треба поблиску да соработуваат. Тој посочи на размена на искуства и добри практики, заеднички обуки и координирано дејствување на институциите како начини за таква соработка.
МВР континуирано ги зајакнува капацитетите за превенција, откривање и справување со заканите по критичната инфраструктура. Работата опфаќа унапредување на проценката на ризиците, подобрување на оперативната подготвеност и поинтензивна соработка со надлежните институции и операторите на критичната инфраструктура.
Исени ја нагласи и важноста на поддршката од Европската Унија за усогласување со европските стандарди за заштита на критичната инфраструктура, сајбер-безбедност и управување со кризи.
Конференцијата се одржа од 18 ноември до денес во Скопје, во организација на регионални и меѓународни партнери. Во фокусот беа современите безбедносни предизвици и зајакнувањето на стабилноста во регионот.







Коментари (0)
Коментарите за оваа објава се затворени.