Инженерскиот концепт предвидува летало долго околу 58 километри, со капацитет до 2.400 луѓе. Неговата цел би бил ѕвездениот систем Алфа Кентаур, на приближно 4,24 светлосни години од Земјата. Во ваквото сценарио, генерации потомци би се раѓале и би живееле во вселената, продолжувајќи го патувањето кон свет што никогаш не го виделе.
За толку долго патување, „Chrysalis“ е замислен како самостојна заедница, а не како конвенционално вселенско летало. Во неговата внатрешност би имало домови, фарми, училишта, болници и простори за рекреација. Ротирачки делови би создавале вештачка гравитација, а системи за рециклирање би помагале во одржувањето на залихите на вода, воздух и храна.
Покрај техничките потреби, дизајнерите го разгледале и прашањето како едно општество би функционирало со векови без помош од Земјата. Жителите би морале да го пренесуваат научното знаење на следните генерации, да ја одржуваат технологијата, да создаваат семејства и да ги решаваат меѓусебните конфликти.
Концептот го освоил првото место на натпреварот за дизајн „Project Hyperion“ во 2025 година, организиран од Иницијативата за меѓуѕвездени студии. Сепак, предложениот погон заснован на нуклеарна фузија и системите што би го одржувале животот со векови би барале технолошки достигнувања далеку над денешните можности.







Коментари (0)
Коментарите за оваа објава се затворени.