На седницата биле разгледани улогата на образовните институции, безбедносните органи и социјалните служби во превенцијата на престапничкото однесување кај малолетниците. Учесниците ја истакнале и потребата од потесна координација меѓу институциите, како и од зачувување на безбедноста и меѓуетничкиот соживот во Тетово.
Заедничкиот став на учесниците бил дека медиумите имаат важна улога и одговорност при известувањето за вакви случаи. Тие нагласиле дека инцидентите меѓу малолетници треба да се обработуваат професионално, објективно и одговорно, без предвреме да се означуваат како меѓуетнички конфликти, пред надлежните институции да ги утврдат мотивите и околностите.
Според оценката изнесена на седницата, неосновано известување и толкувања што им припишуваат етнички карактер на инцидентите можат да создадат погрешни перцепции, да поттикнат непотребни тензии и да ги нарушат односите меѓу граѓаните. Општина Тетово ја посочила соработката меѓу институциите, семејствата, училиштата и медиумите како дел од напорите за превенција на престапништвото, заштита на децата и зачувување на меѓуетничкиот соживот.







Коментари (0)
Коментарите за оваа објава се затворени.