Градоначалникот на Општина Илинден, Александар Георгиевски, изврши увид во градежните работи. Тој посочи дека коловозот ќе биде широк пет метри, а тротоарот 1,5 метри. Според општината, со реконструкцијата се очекуваат подобри и побезбедни услови за сообраќај.
Паралелно со работите на коловозот, на фекалната канализациска мрежа се приклучени и домаќинствата кои досега не беа опфатени.
Реконструкцијата е дел од општинската Програма за реконструкција, рехабилитација и санација на локални улици и патишта. Од Општина Илинден најавуваат дека ќе продолжат со изградба, реконструкција и санација според утврдените приоритети и потребите на граѓаните, со цел рамномерен инфраструктурен развој и подобрување на квалитетот на живот во сите населени места.







Коментари (0)
Коментарите за оваа објава се затворени.