Црквата има наследство старо околу 700 години, според храмот „Вознесение Христово“ – Св. Спас од Граешница. Оттаму наведуваат дека, според досегашните сознанија, „Пречиста“ се смета за единствената црква во регионот што го зачувала првобитниот средновековен континуитет, без целосно уривање и повторна изградба во подоцнежните векови.
Историјата на просторот оди и подалеку во минатото. Според храмот, во црковниот двор биле пронајдени гробови од римскиот период, што упатува на неговото значење пред изградбата на денешната црква. Оттаму ја посочуваат и можноста на ова место да постоел постар верски објект, поврзувајќи ја со близината на римското Кале во селскиот атар и со античкиот пат Виа Игнација, кој поминувал низ овој предел.
Најстарите темели на црквата, како и можните остатоци од постари римски гробишта, сѐ уште не се археолошки истражени, наведуваат од храмот.







Коментари (0)
Коментарите за оваа објава се затворени.