На средбата, одржана на 13 ноември во Младинскиот центар Карпош, беа претставени идејата за музејот, неговата изложбена соба и можностите за вклучување на училиштата. Мапата содржи научни информации, фотографии, звуци и видеоснимки од природата, наменети за учење преку истражување и доживување на природниот свет.
Учениците ќе добијат можност и самите да истражуваат, да создаваат и да раскажуваат за природата. За нивно вклучување беа претставени два повика наменети за основните училишта во Карпош: „Природата за сите“ и „Колекција на дела од млади поети и уметници“. Проектот ја обработува природата во три колекции, од птици, дрвја и инсекти до детски креативни творби.
Дигиталниот музеј, заедно со едукативните игри и алатки што се развиваат во проектот, ќе им биде достапен на наставниците и едукаторите. Целта е да се поттикнат нови образовни практики, истражувачки дух и поголема поврзаност на децата со природната средина.
Општина Карпош учествува во проектот во партнерство со здружението Еко Логик. Општината ги поддржува современите и креативни образовни пристапи како начин за поттикнување на љубопитноста, еколошката свест и одговорниот однос кон природата, со технологијата како алатка за нејзино запознавање, истражување и зачувување.
Координатор на „GREEENARIUM“ е Еко Логик, а партнери се „Innopixel“ од Данска, Екпедевтирија Дука и „Akata Makata“ од Грција, Општина Лусада од Португалија и Општина Карпош. Проектот е финансиран од програмата Еразмус+ на Европската Унија, со поддршка на Националната агенција за европски образовни програми и мобилност.








Коментари (0)
Коментарите за оваа објава се затворени.