За работилницата учениците треба да подготват парче облека што веќе не им е точно или не го носат, подготвено за донирање, селектирање и одложување во училишниот контејнер. Покрај облеката, повикани се да понесат белешки со факти што самите ќе ги истражат.
Истражувачките теми го опфаќаат потеклото на памукот: како настанува, каде се одгледува, колку вода троши и како се бере. Со тоа се поврзува и неговата преработка во фабриките, од суров памук во конец и ткаенина, па до готова облека.
Друг дел од подготовките се однесува на облеката што повеќе не се носи и каде таа завршува. Учениците треба да истражат што се случува со почвата, водата и воздухот кога текстилот се фрла во обичен отпад или во природата, зошто е важно неговото селектирање и што може да се создаде од рециклиран памук. Според најавата на училиштето, целта е преку истражените факти и заедничката дискусија да се објасни како правилното селектирање и рециклирање на текстилот придонесуваат за заштита на природата од загадување.
Работилницата е дел од КА1 Еразмус+ проектот „Потенцијал за успех“. Координаторка на проектот е Ирина Петковска Крстева.







Коментари (0)
Коментарите за оваа објава се затворени.