Со концертот младите пијанисти му оддадоа почит на творештвото и музичкото наследство на полскиот композитор. „Шопенова вечер“ повеќе од 30 години ја промовира полската култура во Македонија.
Настанот го организираа Здружението за македонско-полско пријателство и соработка „Висла“ од Битола и Амбасадата на Република Полска во Скопје, во соработка со Државното музичко училиште. Од училиштето го истакнаа долгогодишното партнерство со „Висла“ како основа на концертот и ја нагласија улогата на музиката во поврзувањето на народите и културите.
На покана на училиштето, на концертот присуствуваше ополномоштениот министер Мариуш Бримора. Училиштето ја истакна континуираната поддршка од него и од Амбасадата, како и придонесот на Малгожата Мачковска во негувањето на традицијата, и им оддаде признание на учениците и нивните професори за концертот.







Коментари (0)
Коментарите за оваа објава се затворени.