Индексот ги оценува начините на кои општините ги објавуваат буџетските информации, известуваат за трошењето на јавните средства и ги вклучуваат граѓаните, особено маргинализираните групи. За 2025 година се оценувани четири области: транспарентност, отчетност, вклученост и правичност и антикорупција. Просечниот вкупен резултат за 81 општина изнесува 38,4 поени.
Битола има 73 поени за транспарентност. Во оваа област се оценува колку јавноста е запознаена со буџетскиот процес, од подготовката и донесувањето до спроведувањето. За отчетност општината има 74 поени; се оценува објавувањето до граѓаните на резултатите од работата на локалните власти и на информациите за целиот буџетски процес.
За вклученост и правичност се наведени 80 проценти. Оваа област ги опфаќа начините на кои граѓаните, а особено маргинализираните групи, се вклучуваат во буџетскиот процес. За антикорупција Битола има 60 поени, а се оценуваат практиките за спречување корупција, транспарентност, интегритет и отчетност.
Општина Битола наведува дека во однос на претходната година напредувала за пет места.







Коментари (0)
Коментарите за оваа објава се затворени.