Конференцијата започна со темата за електронските материјали како важна алка во синџирот на знаењето. Во продолжение следуваат новините во софтверот „COBISS“, библиотеките во времето на вештачката интелигенција и поддршката на науката, како и темата „Поглед кон иднината“. Учесниците ќе ги следат новите предизвици, развојот и идната примена на системот „COBISS“ во библиотеките.
На конференцијата беа претставени новата алатка COBISS Ela за уреди со Android и iOS, како и VEGA, првиот оперативен суперкомпјутер финансиран во рамките на европската иницијатива EuroHPC.
Организатор на конференцијата е Институтот за информатички науки – ИЗУМ, кој го развива и одржува системот COBISS. Системот ги поврзува библиотеките во регионална мрежа и овозможува размена на библиографски податоци и заедничко каталогизирање.
Македонската делегација ја предводи Јовица Никчевски, директор на НУ Универзитетска библиотека „Св. Климент Охридски“. На конференцијата присуствуваат претставници на библиотеки од земјите од поранешна Југославија, а има и предавачи и учесници надвор од регионот.
На конференцијата учествуваше и Ивана Биџовска, директорка на НУ-УБ „Гоце Делчев“ од Штип, заедно со колеги од Македонија.
Меѓу учесниците од Македонија беше и Емилија Стефановска-Давкова, директорка на НУ Универзитетска библиотека „Св. Климент Охридски“ – Битола.
Конференцијата се одржува со физичко присуство и онлајн преку „Zoom“. Учеството е бесплатно за двата начина на следење, но регистрацијата е задолжителна.







Коментари (0)
Коментарите за оваа објава се затворени.