Под мотото „Овојпат таа кажува“, фестивалот го насочува вниманието кон женскиот творечки глас, перспективите и авторските пристапи во современиот театар. Претставите преку различни сценски јазици и естетики отвораат прашања за слободата, идентитетот, љубовта, општествените ограничувања и положбата на жената.
За концептот и програмата денес во Младинскиот културен центар со новинарите разговараа режисерките Нина Николиќ, со „Последниот час по клавир“ во продукција на Перипетија, и Теодора Силјаноска, со „Кокошка“ на Театар Комедија. На прес-конференцијата учествуваа и директорот на МКЦ, Димче Арсовски, и претставниците на програмскиот тим Филип Николовски и Кирил Мечалов.
За седумте фестивалски дена, билетите се достапни преку платформата за билети на МКЦ. Објавената промотивна цена е 400 денари.







Коментари (0)
Коментарите за оваа објава се затворени.