Меѓу наодите се штит, шлем, копја и меч, како и други предмети од злато, бронза, килибар и други материјали. Археолошкиот тим го предводи д-р Перо Арџанлиев, кустос советник во Националниот археолошки музеј.
Според музејот, новите резултати дополнително потврдуваат дека Расница е некропола од архајскиот период. Тие отвораат нови можности за проучување на погребните обичаи, воената и општествената структура и елитите што живееле во Охридско-струшкиот регион во VI век пр. н.е. Музејот оценува дека војничкото погребување и оружјето ќе овозможат попрецизно согледување на статусот, идентитетот и воената улога на дел од лицата погребани на некрополата.
На истиот локалитет во 2024 година беше откриена монументална гробна целина со богат археолошки материјал. Тогашните наоди вклучуваа бронзен шлем со златни апликации, бронзен штит, златни прстени и фолии, килибарни и стаклени мониста и бронзени садови.







Коментари (0)
Коментарите за оваа објава се затворени.