348 вести · 24 ч.
Берово 8°
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

„Hitachi Energy“ и „Marubeni“ меѓу заинтересираните за енергетски инвестиции во Македонија

Фотографија од настанот · Министерство за енергетика, рударство и минерални суровини
Фотографија од настанот · Министерство за енергетика, рударство и минерални суровини
  • Јапонската деловна делегација беше составена од 20 компании и институции.
  • МЕПСО, ЕСМ и Министерството ги претставија актуелните и планираните енергетски проекти.
  • Целта е отворање можности за инвестиции и модернизација на енергетската инфраструктура.

Јапонските компании „Hitachi Energy“ и „Marubeni Corporation“ се меѓу заинтересираните за инвестиции во енергетскиот сектор во Македонија. Можностите за вложувања и долгорочна соработка беа тема на средбите во Владата со јапонска деловна делегација составена од 20 компании и институции.

Интерес за секторот покажаа и „Hitachi Europe“, „Sumitomo Heavy Industries“, „MUFG Bank“ и „Nippon Export and Investment Insurance“ („NEXI“). Станува збор за компании со искуство во развој и модернизација на електроенергетската инфраструктура, индустриски технологии и финансирање инвестиции.

Претставници на Министерството за енергетика, рударство и минерални суровини, АД МЕПСО и АД ЕСМ ги претставија потенцијалите на домашниот сектор, актуелните и планираните проекти и развојните приоритети. Со јапонските компании беа разменети информации за можните области на идна соработка.

Целта на поврзувањето на домашните институции и енергетски компании со меѓународни технолошки, инвестициски и финансиски партнери е да се отворат можности за нови вложувања, модернизација на енергетската инфраструктура и забрзување на енергетската трансформација на државата.

Посетата ја организираше Јапонската организација за надворешна трговија („JETRO“), во соработка со Амбасадата на Јапонија во земјата, под покровителство на јапонската амбасадорка Сецуко Кавахара.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.