На средбата учествуваа директорот на Дојче Телеком Тимотеус Хетгес и членот на Управниот одбор задолжен за Европа, Доминик Лерој. Од владината делегација беа и вицепремиерот и министер за транспорт Александар Николоски, министерот за надворешни работи и надворешна трговија Тимчо Муцунски, министерот за дигитална трансформација Стефан Андоновски и директорот на ТИРЗ Гоце Димовски.
Како можни области за соработка биле разгледани современите техники во медицината и инженерството, комуникациите, вештачката интелигенција, сајбер-безбедноста и развојот на паметни и безбедни градови. Не се наведени договорени инвестиции или конкретни преземени обврски.
Учесниците размениле мислења и за европската конкурентност, безбедност и дигитален суверенитет, како и за капацитетите во областа на „cloud“ технологиите, индустриската вештачка интелигенција и сајбер-безбедноста.







Коментари (0)
Коментарите за оваа објава се затворени.