Трафостаницата е изградена во 1977 година. Според објавата на Божиновска, уредениот статус создава услови за сигурно одржување, нови инвестиции и модернизација на оваа значајна точка од преносната мрежа.
Божиновска го наведува случајот како пример дека проблемите што со децении останале нерешени можат да добијат решение кога институциите работат координирано и со јасна цел. Таа вели дека по формирањето на Министерството и воспоставувањето редовна координација со МЕПСО и другите надлежни институции почнале системски да ги отвораат и решаваат прашањата што со години биле пречка за развојот на енергетската инфраструктура.
Паралелно се работи на уредување на имотно-правниот статус на ТС 110/20 kV Бунарџик. Според Божиновска, тоа ќе создаде услови за реализација на новиот 110 kV далекувод Бунарџик – Миладиновци, значаен за стабилното снабдување со електрична енергија на железничката инфраструктура.
Како цел, Божиновска ги наведува расчистувањето на долгогодишните пречки што го забавуваат развојот и создавањето услови за нови инвестиции, модерна преносна мрежа и поголема енергетска сигурност.







Коментари (0)
Коментарите за оваа објава се затворени.