Честејн рекла дека чувствувала одговорност кон актерите во серијата и кон реалната личност што ја портретирала, поради жртвите и тешките работи што таа ги направила за да ги чува сите безбедни. Додала дека жените можат истовремено да бидат благодарни и искрени.
Во септември „Apple TV“ потврди дека серијата ќе има премиера во пролетта 2027 година. Таа првично требаше да биде прикажана на 23 септември 2025 година, но беше отстранета од распоредот на „Apple TV“ неколку дена пред премиерата, по атентатот врз ултрадесничарскиот активист Чарли Кирк. „Apple“ тогаш соопшти дека одлучил да ја одложи серијата и дека се надева оти ќе ја објави подоцна.
Честејн ја игра Јоди Гудвин, ветеранка, сопруга и мајка, чија работа е да се инфилтрира во онлајн-форуми каде што се собираат приврзаници на надмоќта на белата раса и понекогаш планираат домашни терористички напади. „Variety“ наведува дека новиот термин е по ноемвриските меѓуизбори, околу година и половина по првично планираниот почеток.







Коментари (0)
Коментарите за оваа објава се затворени.