Во објавата партијата ги наведува транспарентноста, отчетноста и одговорноста како свои три клучни цели и обврска кон граѓаните. Таа се опишува како нова политичка партија основана врз темелите на Илинден и АСНОМ.
Претседателот на ЗНАМ, Максим Димитриевски, во гостување во емисијата „Тема на денот“ на телевизија Сител оценил дека партијата ги менува политичките навики и начинот на комуникација со граѓаните. Според него, ЗНАМ не бара само доверба, туку им покажува на граѓаните што работело и за што е подготвено да преземе одговорност.
ЗНАМ наведува дека има нулта толеранција кон корупцијата во власта. Димитриевски тврди дека ниту еден партиски функционер не го прекршил законот и дека нема простор за корупција. Партијата смета дека довербата во институциите се гради преку политичка и лична одговорност на носителите на функции. Димитриевски додал дека функциите не се најважни, туку работата што треба да се заврши и резултатите што треба да ги добијат граѓаните.
Според Димитриевски, учеството на ЗНАМ во власта има и политичка цел да обезбеди стабилно и мултиетничко мнозинство, за државата да не се враќа на модели на политички уцени и поделби. За европската интеграција, партијата се залага за јасно дефинирани услови и условени амандмани за членство во ЕУ. Според предлогот што го изнесе Димитриевски, Македонија треба да стане полноправна членка, а амандманите да се применат дури потоа, без дополнителни уцени.
ЗНАМ наведува дека ќе продолжи со теренско претставување на отчетот пред граѓаните и дека процесот треба да заврши во декември, по повод три години од основањето на движењето.







Коментари (0)
Коментарите за оваа објава се затворени.