Најважно
346 вести · 24 ч.
Берово 6°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

ДОМ бара образложение за укинувањето на ограничувањето за реконструкција на тешка индустрија во зоната од пет километри

Изворна графика: Демократска обнова на Македонија-ДОМ
Изворна графика: Демократска обнова на Македонија-ДОМ

ДОМ бара Владата да го образложи јавниот интерес од предложените измени на Законот за животната средина, со кои ограничувањето за реконструкција на тешка и загадувачка индустрија во заштитната зона би било укинато. Предлогот треба да се гласа утре во Собранието.

ДОМ бил еден од предлагачите на законското решение од 2022 година, со кое беше воведена забрана за изградба и реконструкција на тешка и загадувачка индустрија на помалку од пет километри од населени места и заштитени природни подрачја. Според партијата, со предложената измена се брише делот што ја опфаќа реконструкцијата, а ограничувањето би останало за изградба на нови капацитети.

ДОМ наведува дека постојните индустриски капацитети во таа зона би можеле да се реконструираат и повторно да се стават во функција. Партијата посочува дека измената се образложува како „прецизирање на опфатот“ и усогласување со европското законодавство.

Пред гласањето, ДОМ бара да се објасни кои постојни капацитети би биле опфатени, какви влијанија врз воздухот, водата и почвата може да има реконструкцијата и дали, и какви, ризици се утврдени за населението во близина. Партијата бара и да се наведат европските стандарди врз кои се предлага укинувањето на заштитата.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.