Гаши се осврна и на сложеноста на пристапниот процес. Потсети дека на Самитот во Солун во 2003 година била потврдена јасната европска перспектива на земјите од регионот, под услов да бидат исполнети потребните услови и критериуми, и дека од самитот поминале 23 години.
Зборувајќи за компромисите, ја нагласи важноста од нивно вреднување. Потсети дека земјата го промени името со цел евроатланска интеграција, но отворањето на поглавјата за членство во ЕУ изостана.
Тој ја истакна важноста земјите кандидати да ги завршат домашните задачи, да ја исполнат реформската агенда и да спроведат реформи во владеењето на правото, човечкиот капитал, дигиталната и зелената транзиција и економијата. Овие области ги посочи како основи за подобрување на квалитетот на животот и приближување кон европските стандарди.
За Собранието ги повтори заложбите за отворен законодавен дом и примена на највисоки стандарди за институцијата најдобро да одговори на потребите на граѓаните. По обраќањето следеле прашања од студентите за отворањето на преговорите за членство во ЕУ, односите со државите во регионот и пошироко, како и улогата на Собранието во европскиот интеграциски процес.







Коментари (0)
Коментарите за оваа објава се затворени.