Охридското Езеро е седум сантиметри над договорениот минимум. Утринските мерења во 7:30 часот покажуваат дека Охридското и Преспанското Езеро се под своите просечни ноемвриски нивоа. Дојранското Езеро, пак, е над ноемврискиот просек, иако е под договорениот минимум.

Нема дневни промени ниту во температурите на езерската вода. Во Дојранското Езеро се измерени 12,2 степени, под ноемврискиот просек од 13,8 степени. Преспанското Езеро има температура од 11,5 степени, а Охридското 13,5 степени, над нивните просеци од 11, односно 12,9 степени.
Кај реките, најголем дневен пораст е измерен на Радика кај Б. Мост, од 75 на 121 сантиметар, при ноемвриски просек од 53 сантиметри. Сатеска кај Ботун се искачила од минус 13 на 10 сантиметри на мерната скала, а нејзиниот просек за месецот е пет сантиметри.
Вардар бележи различни движења по мерните места. Кај Јегуновце водостојот пораснал од 54 на 56 сантиметри, а кај Таор од 83 на 90 сантиметри. На мерното место Скопје ЖМ се намалил од 80 на 77 сантиметри, кај Велес од 42 на 38, а кај Демир Капија од 102 на 95 сантиметри. Освен за Таор, каде што нема достапен просек, сите овие мерења се под ноемвриските просечни вредности: 76 сантиметри кај Јегуновце, 90 во Скопје, 73 кај Велес и 124 кај Демир Капија.
Пораст има и на Треска кај Македонски Брод, од нула на седум сантиметри, но водостојот останува под просекот од 19 сантиметри. Пчиња кај Пелинце се покачила од 21 на 25 сантиметри, под просекот од 41, додека кај Катлановска Бања достигнала 59 сантиметри, еден повеќе од вчера и над просекот од 40 сантиметри.
Брегалница кај Берово се покачила од нула на четири сантиметри, а кај Штип останала на 69 сантиметри. Двете мерења се под ноемвриските просеци од 22, односно 75 сантиметри. Црна Река кај Новаци пораснала од 30 на 32 сантиметри, а кај мерното место Р. Б. Мост останала на 29 сантиметри, исто така под просеците од 65 и 49 сантиметри.
Лепенец кај вливот се намалил од 18 на 16 сантиметри, наспроти просекот од 39 сантиметри. Непроменети се водостоите на Крива Река кај Крива Паланка, со 12 сантиметри при просек од 21, на Бабуна кај Богомила, со 16 сантиметри при просек од 14, и на Црн Дрим кај Ложани, со 84 сантиметри при просек од 90.
На реката Струмица кај Сушево се измерени 80 сантиметри, исто како вчера, додека кај Коњарево водостојот се намалил од пет на три сантиметри. За овие две мерни места нема достапни ноемвриски просеци.







Коментари (0)
Коментарите за оваа објава се затворени.