Целта на размената е да се подобри квалитетот на правосудната обука и таа да се приспособи кон современите предизвици. Со протоколот двете институции ја изразуваат намерата да ја продолжат соработката и да воспостават одржлив дијалог во согласност со меѓународните стандарди за почетна и континуирана обука. Соработката е насочена и кон создавање правосудна заедница обединета околу вредностите на владеењето на правото.
Протоколот во просториите на Академијата го потпишаа нејзината директорка Ирина Трајкоска Стрезоски и Емануел Лудик Барон, директорка на Секторот за меѓународна соработка во Националната академија за правосудство од Франција.
Потпишувањето се одржа со поддршка на француската амбасада, долгогодишен партнер и поддржувач на Академијата. Присуствуваше и францускиот амбасадор Кристоф Ле Риголер, кој ја поддржа работата на Академијата и ја нагласи улогата на двете институции во јакнењето на правосудните системи и владеењето на правото. Тој изрази надеж дека протоколот ќе ја продлабочи меѓуинституционалната соработка и ќе ја унапреди размената на знаења и искуства во правосудната обука.







Коментари (0)
Коментарите за оваа објава се затворени.