Најважно
347 вести · 24 ч.
Берово 8°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

90 години од загинувањето на Ганчо Хаџи Панзов, доброволец во борбата за Мадрид

Фотографија од настанот · Општина Велес
Фотографија од настанот · Општина Велес
  • Ганчо Хаџи Панзов загинал на 19 ноември 1936 година кај Мадрид.
  • Организирал доброволци за Шпанија, а потоа и самиот заминал на фронтот.
  • Револуционерното дејствување го започнал како ученик во Велес.

Денеска се навршуваат 90 години од загинувањето на македонскиот револуционер и поет Ганчо Хаџи Панзов во Шпанската граѓанска војна. Тој загинал на 19 ноември 1936 година на фронтот кај Универзитетскиот град во Мадрид, како еден од првите Македонци жртви на војната.

Неговото учество во војната започнало со организирање доброволци. По избувнувањето на Шпанската граѓанска војна во јули 1936 година, Хаџи Панзов помагал во организирањето на луѓето кои преку Франција заминувале во Шпанија, на страната на републиканците во борбата против фашистичките сили на генералот Франциско Франко. Кон крајот на септември и самиот заминал како доброволец.

Бригадата во која се борел, набргу по формирањето, на почетокот на ноември била испратена да помогне во одбраната на Мадрид, каде што се воделе жестоки битки. Хаџи Панзов загинал при офанзива на републиканските сили.

Во револуционерното движење на Велес се вклучил уште како ученик, поради што бил исклучен од велешката гимназија. Школувањето го продолжил во Поштенско-телеграфското училиште во Скопје, а потоа работел како поштенски службеник.

Од пролетта 1922 до првата половина на 1923 година служел воен рок во школата за резервни офицери во Скопје. Бил вклучен и во работата на синдикатите, а станал и член на Комунистичката партија на Франција.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.