Стручната комисија за најдобар го избра трудот на Николовска „Невидливите катастрофи: осигурителната покриеност на природните ризици во Македонија“. Во фокусот на истражувањето е осигурителната заштита на земјоделските посеви и плодови.
Втората награда ја доби студентот Филип Филиповски за труд за предизвиците поврзани со претстојното уредување на ануитетите, односно периодичните пензиски исплати од вториот пензиски столб. Според АСО, овие ануитети наскоро доспеваат.
Третонаградена е студентката Сара Цветановска, која ја истражуваше финансиската писменост кај генерацијата З и нејзиното влијание врз одлуките за осигурување.
Конкурсот се организира по повод Денот на осигурувањето, 1 ноември. Неговата цел е да го поттикне развојот на научната мисла и изработката на трудови од областа на управувањето со ризици и осигурувањето во Македонија, како и да афирмира млади и стручни кадри.
Плакетите на добитниците им ги доделија Ели Дракуловска, претседателка на Советот на експерти на АСО, и Александра Дранговска, извршен член на Советот.
Наградените трудови се достапни преку страницата на АСО.







Коментари (0)
Коментарите за оваа објава се затворени.