Мицкоски навел дека настанот ги обединил претприемачите, стартапите, инвеститорите, академската заедница и визионерите од повеќе земји.
Во објавата тој оценил дека вештачката интелигенција веќе го менува начинот на работа, учење, комуникација, производство, лекување, истражување и создавање компании. Според него, прашањето е какво место ќе има Македонија во таа промена.
Мицкоски смета дека Македонија треба активно да учествува во технолошката револуција. Според него, во економијата на знаењето талентот, образованието, брзината, креативноста и способноста идеја да се претвори во производ стануваат поважни од големината на територијата или бројот на жители. Како амбиција ги посочил растот и натпреварувањето на европскиот и светскиот пазар на идеи, производи и компании создадени во Македонија.
Тој ги повикал присутните да не дозволат големината на домашниот пазар да ја определува нивната амбиција, туку да градат од Македонија и да размислуваат глобално. Порача да бараат партнери и капитал, да ги тестираат идеите, да ги прифаќаат грешките и да учат од неуспесите, а стравот од неуспех да не биде посилен од желбата да создадат нешто ново.







Коментари (0)
Коментарите за оваа објава се затворени.