На почетниот концерт ќе настапат Марко Виденовиќ со поезија и виола и Игор Атанасовски – Гуру Харе на гитара. Спојот на книжевноста и музиката продолжува во четврток, 19 ноември, во 18:00 часот во Градската галерија, со промоција на книгата „Граници од земја“ и истоименото ЦД-издание на Јовица Илиќ.
Животот и творештвото на Ацо Караманов ќе бидат тема на тркалезната маса со средношколци во петок, 20 ноември, во 15:00 часот во Градската галерија. На истото место, во 19:30 часот, ќе се одржи централната вечер со настап на поетите учесници и доделување на книжевните награди.
Интернационалната награда „Ацо Караманов“ за 2026 година ќе му биде доделена на Предраг Бјелошевиќ за „Јаве, привид, меѓувреме“, а наградата „Караманов“ за 2026 година на Владо Јаневски за „Сизифовска пролет“. На централната вечер се најавени и свечено отворање и поздравно обраќање на градоначалникот Љупче Почивалец.
Двете наградени книги ќе бидат промовирани во сабота, 21 ноември, во ОНБ „Браќа Миладиновци“. Програмата таму ќе почне во 11:00 часот со „Ако не се отвори фиоката мачката ќе биде жива“ од Даниела Андоновска-Трајковска, со Борче Панов како промотор. Во 11:30 часот ќе следува „Јаве, привид, меѓувреме“ од Предраг Бјелошевиќ, за која ќе говори проф. д-р Даниела Андоновска-Трајковска. Во 12:00 часот ќе биде промовирана „Сизифовска пролет“ од Владо Јаневски, со промоторот Борче Панов.
Програмата за деца продолжува истиот ден во 13:00 часот во Градската галерија, каде што ќе бидат доделени наградите од конкурсот за детска поезија и ќе се одржи поетски перформанс за деца.
Завршната поетска средба е закажана за недела, 22 ноември, во 10:00 часот во кафе „Роуд 66“. Учесниците ќе разменат впечатоци и предлози пред затворањето на манифестацијата.







Коментари (0)
Коментарите за оваа објава се затворени.