Филипче рече дека со планираното задолжување од 1,3 милијарди евра долгот ќе достигне 12 милијарди евра. Според него, за помалку од три години долгот е зголемен за 50 отсто, а новите задолжувања не се насочуваат кон инвестиции што би ја зголемиле продуктивноста или би донеле директна корист за граѓаните.
Тој оцени дека власта планира нови задолжувања, но не носи мерки за поддршка во актуелната криза. Како споредба, Филипче наведе дека за време на владите на СДСМ биле издвоени две милијарди евра за ковид-кризата и периодот кога почнала војната во Украина, со помош за студенти, пензионери, социјално ранливи граѓани и компании, како и субвенции за струја.
Филипче предупреди дека продолжувањето на, како што ги нарече, неодговорните и лоши политики на задолжување ја изложува иднината на државата на сериозен ризик. Тој рече дека вкупниот долг од 12 милијарди евра е највисок од независноста и дека една милијарда евра е потрошена, а ќе ја враќаат следните генерации.






Коментари (0)
Коментарите за оваа објава се затворени.