347 вести · 24 ч.
Берово 8°
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

МАКЕДОНСКА ГОРДОСТ: Сашко Кедев официјално со два Гинисови светски рекорди

Сашко Кедев со македонски шал
Фотографија обработена со АИ.

Македонскиот алпинист, кардиолог и професор, д-р Сашко Кедев, официјално е впишан во Гинисовата книга на рекорди за два историски алпинистички подвизи.

Кедев е највозрасниот човек во светот кој ги искачил сите 14 планински врвови повисоки од 8.000 метри. Воедно, тој е и највозрасниот човек што го комплетирал престижниот „Mountaineering Grand Double“, кој ги обединува искачувањето на овие 14 врвови и највисоките врвови на сите седум континенти.

Неговото патување меѓу највисоките планински врвови во светот започна на 19 мај 2009 година, со искачувањето на Монт Еверест.

Шеснаесет години подоцна, на 20 јули 2025 година, на возраст од 63 години и 14 дена, Кедев го искачи врвот Гашербрум I (8.080 метри) во Пакистан, со што го комплетираше искачувањето на сите 14 осумилјадници.

Највисоките врвови на седумте континенти ги имаше освоено уште во ноември 2011 година. Со завршувањето на предизвикот со осумилјадниците стана првиот Македонец кој ги реализирал двата престижни алпинистички предизвици.

Денес, на 64-годишна возраст, Кедев добива официјално светско признание за своите долгогодишни подвизи на Хималаите, Каракорум и другите големи планински масиви во светот.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.