На конференцијата и основачкиот состанок на „Adriatic Private Label Producer Group“ присуствуваат претставници на Алкалоид АД Скопје, Комфи Ангел, Лутхман Баклунд Фудс Продакшн („Luthman Backlund Foods“) и ВИВАКС ДОО Скопје. Тимови од присутните компании ќе работат на воспоставувањето на регионалната организација.
Фокусот е на подготовка и поддршка во преговорите со купувачите, преку подобро разбирање на нивните барања и очекувања. Компаниите ќе работат и на унапредување на понудата и претставувањето на производствените капацитети, а ќе разменуваат искуства и идеи за меѓусебна соработка, своите потреби и развојни потенцијали.
Стручната поддршка за иницијативата доаѓа од „IPLC“ – „International Private Label Consult“, меѓународен консалтинг за приватни марки, со учество на Малаки О’Конор од Ирска. Според Стопанската комора, меѓународното искуство, познавањето на пазарот и контактите на консултантите можат да им помогнат на производителите да ја подобрат понудата и да развијат соработка со нови купувачи.
Настанот го организираат „Adriatic Business Academy“, Стопанската комора на Северна Македонија и „IPLC“. На него учествува и претседателот на Комората, Бранко Азески, кој го предводи и го поддржува настанот.
Стопанската комора најавува дека во следниот период ќе ги поддржува македонските компании во проширувањето на извозните можности и преку бизнис-моделот на приватна марка. Поддршката ќе опфати професионална едукација и поврзување со потенцијални клиенти, добавувачи и соработници.







Коментари (0)
Коментарите за оваа објава се затворени.