Најважно
383 вести · 24 ч.
Берово 3°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Песни и ора од Егејскиот дел на Македонија на Семакедонската средба во Штип

Фотографија од настанот · Сотир Лукровски
Фотографија од настанот · Сотир Лукровски
  • Семакедонската средба во Штип беше одбележана со песни и ора од Егејскиот дел.
  • Домаќин беше здружението „Мирка Гинова“, со поддршка од Општина Штип.
  • Присуствуваа гости од Егејскиот и Пиринскиот дел на Македонија и од Пустец.

Со македонски песни и ора од Егејскиот дел на Македонија, вчера во Штип се одржа Семакедонската средба, која собра Македонци од земјава, од Егејскиот и Пиринскиот дел на Македонија и од Пустец во Мала Преспа.

Учесниците и музичките изведувачи настапија со познати песни и ора, а средбата беше посветена на поврзување на Македонците, особено на оние со корени од Егејскиот дел, и на негување на спомените, традицијата, културното наследство и македонскиот национален дух.

Градоначалникот на Карпош, Сотир Лукровски, кој присуствуваше на настанот, ја оцени средбата како израз на единството, заедничките корени, историјата и љубовта кон Македонија. Тој порача дека песната, јазикот, културата и традицијата се дел од националното наследство што треба да се зачува и да им се пренесе на идните поколенија.

Средбата ја организираше Здружението на Македонците од Егејскиот дел на Македонија „Мирка Гинова“ од Штип, во соработка со Сојузот на здруженијата на Македонците од Егејскиот дел на Македонија и децата бегалци „Македон“, со поддршка од Општина Штип. Во името на домаќинот, присутните ги поздрави претседателот Стојан Димков.

Меѓу гостите што присуствуваа и ги поздравија собраните беа архимандритот Никодим Царќнас и Ристе Причков од Егејскиот дел на Македонија, како и поранешниот градоначалник на Пустец, Едмонт Темелко. Од Пиринскиот дел на Македонија присуствуваше делегација предводена од Киро Тилев.

На настанот беа и пратеникот и генерален секретар на ВМРО-ДПМНЕ, Драган Ковачки, градоначалникот на Штип, Иван Јордан, градоначалникот на Карбинци, Виктор Паунов, и претседателот на Светскиот македонски конгрес, Тодор Петров.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.