Клековски денеска учествуваше на панел на Сојузот на здруженија на дијабетичари на Македонија по повод Светскиот ден на дијабетесот и одговараше на прашања од присутните. Како приоритети ги посочи следењето со сензори и модерната терапија за спречување на компликациите, оценувајќи дека не може сѐ истовремено да биде приоритет.
За следењето на пациентите, тој побара и значително подобар, дигитализиран регистар за дијабетес. Според него, таков регистар е потребен за медицина заснована на факти и за вистинско следење на пациентите.
Клековски предложи инсулинската програма да биде дел од ФЗОМ, додека Министерството за здравство да се насочи кон политиките, капиталните вложувања и проектите. За ваквата промена, нагласи тој, е потребен дијалог со сите чинители.
На панелот го сподели и семејното искуство со дијабетес тип 1 и тип 2. Ја истакна важноста на подобрата терапија, а уште поголемо значење им даде на редовното следење, режимот на исхрана и физичката активност.
Годинашното мото е рано делување. Клековски посочи дека редовната физичка активност може значително да го намали ризикот од дијабетес тип 2 и ги повтори своите предлози за забрана на нездравата, таканаречена „џанк“ храна во училиштата и за данок на додаден шеќер во пијалаците.







Коментари (0)
Коментарите за оваа објава се затворени.