Грантот од Фондот за предизвици е добиен во 2021 година, во соработка со компаниите Костал, ЛТХ Леарница, ОДВ Електрик и Комората. Недески ја претстави динамиката на неговата реализација пред претседателот на Комората Азески и делегацијата, на кои им ги покажа работните простории, сервисниот центар и кабинетите за учење преку работа и воспоставување дуален систем на образование.
При посетата беа претставени и целосно опремените кабинети за пневматика и хидраулика, енергетика и електроника, како и автомеханичарската работилница. За нивното опремување се обезбедени средства од РЦФ-фондот, локалната самоуправа и градоначалникот на Општина Охрид. Автомеханичарската работилница е и целосно инфраструктурно реновирана преку проект на Министерството за образование и наука.
Во дуалното образование на училиштето се вклучени повеќе од 80 компании и фирми, кај кои учениците реализираат учење преку работа. За успешната соработка меѓу училиштето и партнерските компании, претседателот на Комората Азески додели плакета.
Во делегацијата беа и д-р Ристо Јаневски, претседавач на Собранието на Комората, д-р Никица Блажевска, Мојсоски, потпретседател на Управниот одбор на Комората, м-р Анотони Пешев, извршен директор на Комората, и Кирил Коровешоски, директор на ГС1 Македонија.







Коментари (0)
Коментарите за оваа објава се затворени.