Кон собраната помош се приклучија и второодделенците со наставничката Славица Цонева. Тие донираа јаболка по повод Светскиот ден на јаболката, а и оваа донација беше предадена во „Умиление“.
Неколку ученици од IX одделение помогнаа и како волонтери на здружението, собирајќи храна на штандови пред неколку маркети во Виница. Нивното учество беше дел од акција организирана во повеќе градови во Македонија. Истите ученици организираа и продажба на балони, со средства наменети за лекување на нивната сограѓанка Симона.
Училишната акција ја организираа наставничките Габриела Данилова, Јасминка Митрева, Ирена Захариева, Стевка Ѓоргиева, Бригита Василева и Голубинка Ѓоргиева, заедно со учениците и нивните родители. Од ПУ Јакимово се вклучија наставничките Марина Стоименова, Јасминка Мирчева, Фросинка Евтимова и Александра Романова-Стоименова. Според училиштето, учениците биле особено среќни што со својот придонес израдувале некого.
Соработката со „Умиление“ продолжува со подготовките за претстојниот базар, кој здружението го организира со училиштето. Ученици од прво и трето одделение веќе изработија украси и дипломи што ќе се продаваат. Со свои изработки ќе учествуваат и други ученици, а на базарот ќе се вклучат и повеќе компании и поединци од Виница.







Коментари (0)
Коментарите за оваа објава се затворени.