Иницијативата е доставена до претседателот на Советот на Општина Карпош. Предложеното ослободување се однесува на делот од надоместокот што ѝ припаѓа на Општината, а не на целиот надоместок за уредување градежно земјиште.
Од Левица го образложуваат предлогот со високите трошоци за градежно земјиште, материјали, проектирање и различни давачки. Според советничката група, овие трошоци дополнително им го отежнуваат обезбедувањето сопствен дом на младите брачни парови.
Како цели на предложената мерка ги наведуваат финансиската поддршка за младите и олеснувањето на пристапот до сопствен дом. Со иницијативата, велат од Левица, сакаат и да го поттикнат формирањето семејства и да го спречат иселувањето.
Советничката група очекува поддршка од сите советници за иницијативата да прерасне во одлука.







Коментари (0)
Коментарите за оваа објава се затворени.