На настанот присуствуваа министерот за спорт Борко Ристески, градоначалникот на Скопје Орце Ѓорѓиевски и амбасадорот на Црна Гора Зоран Миљаниќ, како и претставници на институции, советници и други гости.
Црногорскиот репрезентативец Марко Жарковиќ и Диме Пејчиновски одиграа ревијален натпревар во „Teqball“, преку кој присутните се запознаа со спортот и неговите правила. На настанот беа претставени и „TegVolley“ и „TeqPong“.
Лукровски рече дека воведувањето нови спортски дисциплини во училиштата треба да им овозможи на учениците да се запознаат со игри различни од традиционалните и да стекнуваат дополнителни вештини. Тој очекува новите спортови да придонесат за психомоторниот развој, социјализацијата и тимскиот дух.
Градоначалникот посочи дека општината континуирано вложува во модернизирање на спортската инфраструктура во Карпош. Иницијативата, според општината, отвора можности за развој на училишниот спорт, спортското дружење и здравите животни навики кај најмладите.
На крајот од настанот симболично беа разменети репрезентативни дресови во знак на пријателството и спортската соработка меѓу Македонија и Црна Гора.







Коментари (0)
Коментарите за оваа објава се затворени.