Според предлогот на пратеничката група на СДСМ и коалицијата, субвенционирањето треба да овозможи зголемувањето на платите да не биде товар за работодавачите. Филипче рече дека власта треба да најде средства за поддршка на работниците.
Тој оцени дека граѓаните тешко ги покриваат основните потреби и трошоците за децата, а потоа треба да отплаќаат кредити и долгови. Ги спомена и извршителите, критикувајќи ја власта дека не се грижи за овој дел од проблемите.
Како можни заштеди, Филипче ги посочи кратењето на трошоците за луксуз, патувања, мебел и автомобили. Рече дека на претходна прес-конференција биле изнесени пресметки и посочени можни извори на средства во буџетот.
Филипче предупреди дека ќе има социјални немири ако власта продолжи со однесувањето кон граѓаните што тој го оцени како неодговорно. Рече и дека власта ќе се соочи со граѓански револт.






Коментари (0)
Коментарите за оваа објава се затворени.