На разговорите се разгледуваат територијалните спорови, безбедносните гаранции за Украина и можностите за прекин на непријателствата. На дневен ред се и хуманитарни прашања, меѓу кои размена на воени заробеници и враќање на цивили и деца.
Претставници на Франција, Германија, Велика Британија, Италија, Европската Унија и НАТО се во Абу Даби, но не учествуваат директно во трилатералните разговори. Тие одржуваат одделни консултации со американските и украинските претставници.
Русија настојува разговорите да ги опфатат и нејзините безбедносни интереси, како и прашањата поврзани со проширувањето на НАТО. Украина бара почитување на својот територијален интегритет и цврсти меѓународни безбедносни гаранции, а не ги прифаќа руските барања за територијални отстапки и ограничување на украинските воени капацитети.
Одделно, анонимен извор близок до украинската делегација изјавил за Украинска правда дека е постигнат договор за голема размена на заробеници во блиска иднина.







Коментари (0)
Коментарите за оваа објава се затворени.