Индиските медиуми известија дека Рахул Ганди, Пријанка Ганди Вадра и други демонстранти биле накратко приведени од полицијата, а потоа двајцата лидери се упатиле во комплексот Акашвани Баван, каде што продолжиле со протестот.
Опозицијата бара смена на шефот на Изборната комисија, Ѓанеш Кумар, поради промените во избирачките списоци. Критичарите велат дека ревизијата отстранила имиња на милиони гласачи со право на глас и дека промените ѝ користат на владејачката партија „BJP“.
Изборната комисија и „BJP“ ги отфрлаат обвинувањата. Комисијата вели дека со ревизијата се отстрануваат починати, отселени и дуплирани гласачи и се спречува упис на нелегални странски имигранти. Од почетокот на промените минатата година од избирачките списоци биле отстранети околу 130 милиони имиња.
Во понеделникот, Врховниот суд на Индија побара одговори од Изборната комисија, владата, Кумар и другите двајца изборни комесари за петиции во кои се наведуваат наводни неправилности во ревизијата.







Коментари (0)
Коментарите за оваа објава се затворени.